رمضان میں اسکولوں کے اوقات کار میں تبدیلی کا اعلان

رمضان المبارک کے پیش نظر پنجاب حکومت نے صوبے بھر کے تعلیمی اداروں کے اوقات کار میں ردوبدل کر دیا ہے۔ نئے شیڈول کا اطلاق تمام سرکاری اور نجی اسکولوں پر ہوگا۔

16 فروری کو جاری کردہ نوٹیفکیشن کے مطابق محکمہ اسکول ایجوکیشن پنجاب نے رمضان کے دوران طلبہ اور اساتذہ کی سہولت کو مدنظر رکھتے ہوئے نئے اوقات مقرر کیے ہیں۔

نوٹیفکیشن کے مطابق سنگل شفٹ اسکول پیر سے جمعرات تک صبح 8:30 بجے سے دوپہر 1:00 بجے تک کھلے رہیں گے، جبکہ جمعہ کے روز اسکول معمول سے پہلے بند کر دیے جائیں گے۔

حکام کا کہنا ہے کہ رمضان المبارک میں روزہ دار طلبہ اور اساتذہ کی سہولت کے لیے یہ فیصلہ کیا گیا ہے تاکہ تعلیمی سرگرمیاں بھی جاری رہیں اور عبادات میں بھی آسانی ہو۔

اس فیصلے کا اطلاق صوبے بھر کے تمام اضلاع میں ہوگا اور اسکول انتظامیہ کو ہدایات جاری کر دی گئی ہیں کہ وہ نئے شیڈول پر سختی سے عمل درآمد یقینی بنائیں۔

Source: Geo News