پولیس اصلاحات پنجاب

مریم نواز شریف کی زیر صدارت پولیس اصلاحات کے حوالے سے ایک خصوصی اجلاس منعقد ہوا جس میں محکمہ پولیس کی کارکردگی اور نظام میں بہتری کے مختلف پہلوؤں کا جائزہ لیا گیا۔

اجلاس میں وزیراعلیٰ نے پولیس نظام کو جدید خطوط پر استوار کرنے کے لیے جامع اور قابلِ عمل منصوبہ پیش کرنے کی ہدایت کی۔ ان کا کہنا تھا کہ عوام کو فوری اور شفاف انصاف کی فراہمی حکومت کی اولین ترجیح ہے، اور اس مقصد کے لیے پولیس اصلاحات ناگزیر ہیں۔

وزیراعلیٰ نے پولیس فورس کی استعداد کار بڑھانے، ٹیکنالوجی کے مؤثر استعمال اور عوامی شکایات کے ازالے کے نظام کو مزید فعال بنانے پر زور دیا۔

اجلاس کے دوران جدید ٹیکنالوجی کے استعمال کو فروغ دیتے ہوئے Punjab Police کی جانب سے Traffic Police One App اور Safe City Monitoring App کا باضابطہ اجرا بھی کیا گیا۔

ان ایپس کے ذریعے شہری ٹریفک قوانین، چالان، روڈ اپڈیٹس اور سیکیورٹی نگرانی سے متعلق معلومات تک آسان رسائی حاصل کر سکیں گے، جبکہ سیف سٹی مانیٹرنگ سسٹم کو مزید مؤثر بنایا جائے گا۔

وزیراعلیٰ نے اس عزم کا اعادہ کیا کہ پنجاب میں قانون کی حکمرانی کو یقینی بنانے اور شہریوں کے تحفظ کیلئے ہر ممکن اقدامات کیے جائیں گے۔