پنجاب میں 18 دن میں 20 لاکھ سے زائد ڈرائیونگ لائسنس جاری، نیا قومی ریکارڈ قائم
پنجاب میں 18 دن میں 20 لاکھ ڈرائیونگ لائسنس جاری، نیا ریکارڈ
پنجاب حکومت نے 18 دن میں 20 لاکھ سے زائد ڈرائیونگ لائسنس جاری کر کے نیا قومی ریکارڈ قائم کر دیا، آن لائن اور ہوم سروس سے عوام کو بڑی سہولت۔
پنجاب نے صوبائی حکومت کی ہدایات پر عمل کرتے ہوئے صرف 18 دنوں میں 20 لاکھ سے زائد ڈرائیونگ لائسنس جاری کر کے نیا قومی ریکارڈ قائم کر دیا ہے۔ حکام کے مطابق یہ لائسنس سروس سینٹرز اور آن لائن پورٹل کے ذریعے جاری کیے گئے۔
جاری کیے جانے والے لائسنسوں میں لرنر، ریگولر، تجدید (ری نیول) اور انٹرنیشنل ڈرائیونگ لائسنس شامل ہیں۔ ایک ملین سے زائد شہریوں نے ہوم بیسڈ لائسنسنگ سسٹم کے ذریعے گھر بیٹھے لائسنس حاصل کیے، جس سے عمل نہ صرف تیز بلکہ عوام کے لیے زیادہ آسان ہو گیا۔
محکمہ ٹریفک حکام کا کہنا ہے کہ لائسنسنگ نظام میں بہتری سے سڑکوں پر ٹریفک قوانین کی پابندی میں اضافہ اور حادثات میں کمی دیکھنے میں آئی ہے۔ شہریوں کو ہدایت کی گئی ہے کہ وہ ہر وقت درست یا ای۔ڈرائیونگ لائسنس اپنے ساتھ رکھیں تاکہ کسی قانونی پیچیدگی سے بچا جا سکے-
