وزیراعلیٰ پنجاب مریم نواز شریف کی ہدایات پر مری کے عوام کے لیے ایندھن کا خصوصی تحفہ
وزیراعلیٰ پنجاب مریم نواز شریف کی خصوصی ہدایات پر مری کے عوام کے لیے ایندھن کا خصوصی تحفہ فراہم کرنے کا فیصلہ کیا گیا ہے، جس کا مقصد شدید سردی اور برفباری کے موسم میں شہریوں کو مشکلات سے بچانا ہے۔
محکمہ داخلہ اور ضلعی انتظامیہ مری کے تعاون سے اس اقدام کے تحت مری اور گرد و نواح کے علاقوں میں ایندھن کی بلا تعطل فراہمی کو یقینی بنایا جا رہا ہے۔ اس خصوصی انتظام کے ذریعے لکڑی، گیس اور دیگر ضروری ایندھن کی دستیابی ممکن بنائی جا رہی ہے تاکہ عوام کو سرد موسم میں کسی پریشانی کا سامنا نہ کرنا پڑے۔
وزیراعلیٰ مریم نواز شریف نے واضح ہدایات جاری کی ہیں کہ ایندھن کی قلت یا ذخیرہ اندوزی کسی صورت برداشت نہیں کی جائے گی۔ انہوں نے متعلقہ اداروں کو سخت نگرانی، چیک اینڈ بیلنس اور قیمتوں کے کنٹرول کو یقینی بنانے کا حکم دیا ہے۔
ضلعی انتظامیہ کے مطابق، مری میں سیاحوں کی آمد اور شدید سردی کے باعث ایندھن کی طلب میں اضافہ ہو جاتا ہے، جس کے پیشِ نظر حکومت پنجاب نے پیشگی اقدامات کرتے ہوئے عوامی ریلیف کو اولین ترجیح دی ہے۔ اس اقدام سے نہ صرف مقامی آبادی بلکہ مری آنے والے سیاح بھی مستفید ہوں گے۔
وزیراعلیٰ پنجاب کا کہنا ہے کہ حکومت کا مقصد عوام کو مشکل حالات میں تنہا نہ چھوڑنا ہے اور سرد موسم میں بنیادی سہولیات کی فراہمی حکومت کی اولین ذمہ داری ہے۔ انہوں نے کہا کہ مری کے عوام کے لیے یہ اقدام حکومت کی عوام دوست پالیسیوں کا واضح ثبوت ہے۔
شہریوں نے وزیراعلیٰ پنجاب کے اس فیصلے کو سراہتے ہوئے کہا ہے کہ ایندھن کی بروقت فراہمی سے سرد موسم میں زندگی آسان ہو گئی ہے اور حکومت پنجاب نے حقیقی معنوں میں عوامی مشکلات کو سمجھا ہے۔
، صوبائی وزیر مواصلات ملک صہیب احمد بھرتھ کا محکمہ ہائی وے کے افسران کوبرفباری سیزن کےلیے الرٹ جاری
