کوٹ لکھپت جیل: پی ٹی آئی رہنماؤں کی احتجاج مؤخر کرنے کی اپیل

کوٹ لکھپت جیل میں قید پی ٹی آئی رہنماؤں کی رمضان میں احتجاج مؤخر کرنے کی اپیل

لاہور: کوٹ لکھپت جیل میں قید تحریک انصاف کے سینئر رہنماؤں نے رمضان المبارک میں احتجاجی تحریک مؤخر کرنے کی اپیل کی ہے۔ اس سلسلے میں شاہ محمود قریشی، یاسمین راشد، اعجاز چوہدری، عمر سرفراز چیمہ اور محمود الرشید نے میڈیا کو ایک مشترکہ خط جاری کیا۔

خط میں اہم نکات

1. رہنماؤں نے اپیل کی ہے کہ رمضان میں ہر قسم کے احتجاج کو مؤخر کیا جائے تاکہ عوام عبادات اور روزے کے دوران کسی دقت کا سامنا نہ کریں۔

2. صدر آصف زرداری کے حالیہ بیان پر شدید مذمت، اور کہا گیا کہ بانی پی ٹی آئی عزت کے ساتھ مشکل حالات میں جیل میں وقت گزار رہے ہیں۔

3. حکومت سے مطالبہ کیا گیا کہ عمران خان کی صحت پر سیاست بند کی جائے اور ان کے ذاتی ڈاکٹرز کو اعتماد میں لے کر علاج ممکن بنایا جائے۔

4. تحریک انصاف کی تنظیم کو دوبارہ منظم کرنے اور بلدیاتی انتخابات کی تیاری کے لیے نچلی سطح تک فعال کرنے کی ہدایت دی گئی۔

5. معاشرتی مسائل جیسے مہنگائی، دہشت گردی، کرپشن اور اسکولوں سے بچوں کی غیر حاضری پر بھرپور سیاست کرنے کی تاکید کی گئی۔

   رہنماؤں کا پیغام

   اسیر رہنماؤں نے کہا کہ رمضان المبارک کے دوران احتجاج کو مؤخر کرنا عوام کے مفاد میں ہے، اور پارٹی تنظیم کی مضبوطی، پارلیمانی کردار اور عوامی مسائل کی نشاندہی پر توجہ دینا ضروری ہے۔
   #punjabnews

   https://punjabnews.pk/pakistan-news/6803/