عمران خان کی ویڈیو بنانے والا سوشل میڈیا کارکن حراست میں
عمران خان کی واپسی کی ویڈیو بنانے والا سوشل میڈیا کارکن حراست میں
راولپنڈی: بانی پی ٹی آئی Imran Khan کی پمز ہسپتال سے واپسی کی ویڈیو بنانے والے ایک سوشل میڈیا کارکن کو حراست میں لے لیا گیا۔
ذرائع کے مطابق منگل کے روز اڈیالہ جیل کے قریب داہگل ناکے سے حیدر سعید نامی نوجوان کو تحویل میں لے کر اڈیالہ پولیس چوکی منتقل کر دیا گیا۔
اطلاعات کے مطابق مذکورہ نوجوان نے عمران خان کی واپسی کی ویڈیو سوشل میڈیا پر شیئر کی تھی، جس کے بعد اسے حراست میں لیا گیا۔ پولیس کی جانب سے باضابطہ مؤقف سامنے نہیں آیا تاہم مزید تحقیقات جاری ہیں۔
ذرائع کا کہنا ہے کہ واقعے کے بعد سوشل میڈیا پر بھی مختلف ردعمل سامنے آ رہا ہے جبکہ قانونی پہلوؤں کا جائزہ لیا جا رہا ہے۔
