وزیراعظم شہباز شریف نے آزاد کشمیر کے پہلے جدید کینسر اسپتال کینور (KINOR) کا افتتاح کر دیا
وزیراعظم پاکستان شہباز شریف نے آزاد جموں و کشمیر کے پہلے جدید اور اسٹیٹ آف دی آرٹ کینسر اسپتال کینور (KINOR) کا افتتاح کر دیا۔ یہ منصوبہ پاکستان ایٹمی توانائی کمیشن (PAEC) کی نگرانی میں مکمل کیا گیا ہے، جس کا مقصد خطے میں کینسر کے مریضوں کو جدید تشخیص اور معیاری علاج کی سہولیات فراہم کرنا ہے۔
کینور اسپتال، PAEC کا اکیسواں (21واں) کینسر منصوبہ ہے، جو آزاد کشمیر اور ہزارہ ڈویژن کے ہزاروں مریضوں کے لیے ایک بڑی طبی سہولت ثابت ہوگا۔ اس اسپتال کے قیام سے مریضوں کو بڑے شہروں کا رخ کرنے کی ضرورت نہیں رہے گی اور انہیں علاج اپنے علاقے میں ہی میسر آ سکے گا۔
افتتاحی تقریب کے موقع پر وزیراعظم شہباز شریف کا پرتپاک استقبال کیا گیا۔ اس موقع پر قائم مقام صدر آزاد کشمیر چوہدری لطیف اکبر، وزیراعظم آزاد کشمیر فیصل ممتاز راٹھور سمیت دیگر اعلیٰ حکام اور معزز شخصیات بھی موجود تھیں۔
وزیراعظم نے تقریب سے خطاب کرتے ہوئے کہا کہ حکومت عوام کو صحت کی بہتر سہولیات فراہم کرنے کے لیے پُرعزم ہے، اور کینسر جیسے موذی مرض کے علاج کے لیے جدید اسپتالوں کا قیام قومی ترجیحات میں شامل ہے۔ ان کا کہنا تھا کہ PAEC نے صحت کے شعبے میں قابلِ قدر خدمات انجام دی ہیں اور ملک بھر میں کینسر کے علاج کا ایک مضبوط نیٹ ورک قائم کیا ہے۔
کینور اسپتال کے قیام سے PAEC کے زیرِ انتظام ملک بھر میں قائم 20 کینسر اسپتالوں کے نیٹ ورک کو مزید وسعت مل گئی ہے، جس سے جدید طبی سہولیات عام شہریوں کے مزید قریب آ گئی ہیں۔ یہ اسپتال نہ صرف آزاد کشمیر بلکہ ملحقہ علاقوں کے مریضوں کے لیے بھی امید کی نئی کرن ثابت ہوگا۔
طبی ماہرین کے مطابق اس منصوبے سے کینسر کی بروقت تشخیص، علاج اور مریضوں کی دیکھ بھال کے م
وزیراعظم شہباز شریعیار میں نمایاں بہتری آئے گی، جس سے قیمتی جانیں بچانے میں مددگار ثابت ہو گا۔
نواز شریف انسٹی ٹیوٹ آف کارڈیالوجی سرگودھا ایک سال میں مکمل، جدید علاج کی نئی مثال قائم
