وفاقی حکومت نے شمالی علاقہ جات میں سڑکوں کی اَپ گریڈیشن کےلیے 22ارب روپے کی منظوری دے دی
پاکستان نے شمالی علاقوں کی سڑکوں کی اپ گریڈیشن کے لیے 22.44 ارب روپے کی منظوری دے دی ہے، جس سے سی پیک سے منسلک راستوں میں مزید بہتری آئے گی۔ منصوبے کی تکمیل سے دور دراز وادیوں تک رسائی آسان ہوگی اور مقامی آبادی کو بہتر سفری سہولیات میسر آئیں گی۔ حکام کے مطابق اس منصوبے سے تقریباً ساڑھے تین لاکھ افراد کو براہِ راست فائدہ پہنچے گا۔ توقع ہے کہ بہتر سڑکوں سے خطے میں تجارت، سیاحت اور معاشی سرگرمیوں میں بھی نمایاں اضافہ ہوگا۔
